ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਸੀਨੀਅਰ ਕਪਤਾਨ ਪੁਲਿਸ ਸ਼ਹੀਦ ਭਗਤ ਸਿੰਘ ਨਗਰ ਡਾ: ਮਹਿਤਾਬ ਸਿੰਘ, ਦੇ ਦਿਸ਼ਾ ਨਿਰਦੇਸ਼ਾ ਤੇ ਸਰਬਜੀਤ ਸਿੰਘ ਪੀਪੀਐਸ ਕਪਤਾਨ ਪੁਲਿਸ ਜਾਂਚ ਸ਼ਹੀਦ ਭਗਤ ਸਿੰਘ ਨਗਰ ਅਤੇ ਰਾਜ ਕੁਮਾਰ ਬਜਾੜ, PPS, ਉੱਪ ਕਪਤਾਨ ਪੁਲਿਸ ਸਬ ਡਵੀਜਨ ਨਵਾਸਹਿਰ ਜੀ ਦੀ ਜੇਰੇ ਨਿਗਰਾਨੀ ਹੇਠ ਮਾੜੇ ਅਨਸਰਾਂ ਖਿਲਾਫ ਚਲਾਈ ਮਹਿੰਮ ਨੂੰ ਉਸ ਸਮੇਂ ਸਫਲਤਾ ਮਿਲੀ ਜਦੋ ਇੰਸਪੈਕਟਰ ਅਵਤਾਰ ਸਿੰਘ ਮੁੱਖ ਅਫਸਰ ਥਾਣਾ ਸਿਟੀ ਨਵਾਂਸ਼ਹਿਰ ਦੀ ਅਗਵਾਈ ਵਾਲੀ ਟੀਮ ਨੇ ਇੱਕ ਚੋਰੀ ਦੇ ਮੁਕੱਦਮਾ ਦੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰਕੇ ਉਸ ਤੋਂ ਚੋਰੀ ਦਾ ਸਮਾਨ ਬਰਾਮਦ ਕੀਤਾ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਸ ਚੋਰ ਨੇ ਜਸਵਿੰਦਰ ਸਿੰਘ ਪੁੱਤਰ ਸਵਰਨ ਸਿੰਘ ਮਾਡਲ ਟਾਊਨ ਸਲੋਹ ਨਵਾਂਸ਼ਹਿਰ ਵਿਖੇ ਮਿਤੀ 12-04-2025 ਰਾਤ ਨੂੰ ਵਕਤ ਕਰੀਬ 10:00 PM ਵਜੇ ਘਰ ਦੇ ਅੰਦਰਲੇ ਦਰਵਾਜੇ ਤੋੜ ਕੇ ਗਰਿੱਲ ਪੱਟੀ ਹੋਈ ਸੀ, ਕਮਰਿਆ ਅੰਦਰ ਪਈਆ ਅਲਮਾਰੀਆ ਦੇ ਲਾਕ ਤੋੜ ਕੇ ਫਰੋਲਾ ਫਰਾਲੀ ਕੀਤੀ ਹੋਈ ਸੀ ਅਤੇ ਅਲਮਾਰੀ ਵਿੱਚ ਰੱਖੇ ਹੋਏ ਸੋਨੇ ਅਤੇ ਚਾਂਦੀ ਦੇ ਗਹਿਣੇ, ਵਿਦੇਸ਼ੀ ਡਾਲਰ, ਲੈਪਟੌਪ ਆਦਿ ਚੋਰੀ ਇਸ ਵਲੋਂ ਕੀਤੀ ਗਈ ਸੀ
ਥਾਣਾ ਸਿਟੀ ਨਵਾਂਸ਼ਹਿਰ ਦੀ ਪੁਲਿਸ ਵਲੋ ਪੂਰੀ ਤੰਨਦੇਹੀ ਨਾਲ ਇਸ ਚੋਰੀ ਦੀ ਵਾਰਦਾਤ ਵਿੱਚ ਸ਼ਾਮਲ ਦੋਸ਼ੀ ਬਾਰੇ ਹਰ ਪੱਖੋ ਜਾਂਚ ਕੀਤੀ ਤੇ ਇਸਦੇ ਦੋਸ਼ੀ ਦੀ ਸ਼ਨਾਖਤ ਕਰਕੇ ਉਕਤ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਰਾਹੁਲ ਉਰਫ ਗਿਆਨੀ ਉਰਫ ਸਨੀ ਪੁੱਤਰ ਗੁਰਦੇਵ ਸਿੰਘ ਵਾਸੀ ਸੋਤਰਾਂ ਰੋਡ ਬਾਲਮੀਕ ਮੁਹੱਲਾ ਬੰਗਾ ਥਾਣਾ ਸਿਟੀ ਬੰਗਾ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਕੱਲ੍ਹ ਮਿਤੀ 23-07-2025 ਨੂੰ ਗ੍ਰਿਫਤਾਰ ਕੀਤਾ। ਦੋਸ਼ੀ ਪਾਸੋ ਡੁੰਘਾਈ ਨਾਲ ਪੁਛਗਿੱਛ ਕੀਤੀ ਗਈ ਜਿਸਦੀ ਨਿਸ਼ਾਨਦੇਹੀ ਦੇ ਅਧਾਰ ਤੇ ਮੁਦੱਈ ਮੁਕੱਦਮਾ ਜਸਵਿੰਦਰ ਸਿੰਘ ਉਕਤ ਦੇ ਘਰ ਵਿੱਚੋ ਮਿਤੀ 12-04-2025 ਨੂੰ ਚੋਰੀ ਕੀਤੇ 09 ਆਈਟਮ ਸੋਨੇ ਦੇ ਗਹਿਣੇ ਵਜਨੀ ਕ੍ਰੀਬ 04 ਤੋਲੇ, ਚੋਰੀ ਕੀਤੇ ਚਾਂਦੀ ਦੇ ਗਹਿਣਿਆ ਦੀਆਂ 22 ਆਈਟਮਾ ਵਜਨ ਕ੍ਰੀਬ 150 ਗ੍ਰਾਮ ਅਤੇ 50 ਵਿਦੇਸ਼ੀ ਡਾਲਰ ਬ੍ਰਾਮਦ ਕੀਤੇ। ਮੁਢਲੀ ਪੁੱਛਗਿੱਛ ਦੌਰਾਨ ਗ੍ਰਿਫਤਾਰ ਕੀਤੇ ਦੋਸ਼ੀ ਰਾਹੁਲ ਉਰਫ ਗਿਆਨੀ ਉਰਫ ਸਨੀ ਉਕਤ ਨੇ ਦੱਸਿਆ ਕਿ ਉਹ ਜਿਆਦਾ ਪੈਸਾ ਕਮਾਉਣ ਦੇ ਲਾਲਚ ਵਿੱਚ ਬੰਦ ਘਰਾਂ ਦੀਆਂ ਰੈਕੀਆ ਕਰਕੇ ਚੋਰੀ ਦੀਆ ਘਟਨਾਵਾ ਨੂੰ ਅੰਜਾਮ ਦੇ ਰਿਹਾ ਸੀ